Dysgu Nofio gyda Gwella

Mae dysgu nofio yn un o’r sgiliau bywyd pwysicaf y gall plentyn eu datblygu, gan helpu i feithrin hyder, gwella ymwybyddiaeth o ddiogelwch dŵr a chefnogi iechyd a lles hirdymor.

Mae rhaglen Dysgu Nofio Gwella yn darparu gwersi ar gyfer plant o bob oed a gallu ledled Sir y Fflint, o fabanod a phlant bach yn cael eu profiadau cyntaf yn y dŵr i nofwyr mwy datblygedig sy’n symud ymlaen drwy lwybr Nofio Cymru.

Caiff y gwersi eu cyflwyno gan hyfforddwyr cymwys mewn amgylcheddau cefnogol a chroesawgar, ac maent ar gael yn:

🏊 Canolfan Hamdden yr Wyddgrug
🏊 Canolfan Hamdden Bwcle
🏊 Pafiliwn Jade Jones, y Fflint

P’un a yw eich plentyn yn hollol newydd i nofio neu’n awyddus i feithrin hyder a gwella techneg, mae rhaglen gwersi nofio Gwella wedi’i chynllunio i gefnogi pob cam o’u taith.

👉 Holi yma am wersi nofio

Pam fod dysgu nofio’n gynnar yn bwysig

Mae data diweddar gan Swim Wales wedi dangos mai dim ond 35% o blant yng Nghymru sy’n gadael yr ysgol gynradd yn gallu nofio, o’i gymharu â thua 65% cyn y pandemig. Mae nofio’n cefnogi:

• Diogelwch a hyder yn y dŵr
• Iechyd a ffitrwydd corfforol
• Annibyniaeth a Lles

Mae dechrau gwersi’n gynt yn y flwyddyn yn caniatáu i blant ddangos cynnydd graddol, yn hytrach na brysio i fagu hyder cyn yr haf. Mae’r dull hwn yn caniatáu i blant deimlo’n fwy diogel, ac i ymlacio fwy yn y dŵr, yn ogystal â bod yn fwy cymwys.

 

Llwybr Dysgu Nofio (Ton 1-8)

Mae rhaglen Dysgu Nofio Gwella yn dilyn cynllun Ton cydnabyddedig yn genedlaethol, gan gynnwys Ton 1 i 8. Fel arfer yn dechrau o 4 i 5 mlwydd oed, mae plant yn datblygu:

• Sgiliau craidd a dulliau nofio
• Hyder a rheolaeth yn y dŵr
• Sgiliau cymhwysedd dŵr hollbwysig, megis troedio dŵr, nofio heb gogls a nofio mewn dillad.

Gall y sgiliau hyn helpu plant i aros yn ddiogel mewn sefyllfaoedd go iawn yn y dŵr, ac nid yn y gwersi’n unig.

Beth sy’n digwydd ar ôl Ton 8?

Nid oes angen i nofio orffen ar ôl i’r plant gwblhau Ton 8. Yn dibynnu ar eu diddordebau a’u gallu, gall nofwyr barhau gyda:

• Rhaglen Achubwr Bywyd Dibrofiad, gan ganolbwyntio ar ddiogelwch yn y dŵr, achub bywyd eich hun, a sgiliau achub bywyd sylfaenol
• Clybiau nofio lleol, er mwyn datblygu techneg, lefelau ffitrwydd a sgiliau nofio cystadleuol
  Mae’r llwybrau hyn yn cefnogi cyfranogiad hirdymor, a hyder mewn perthynas â gweithgareddau yn y dŵr

 

Gwersi nofio ar gyfer babanod a phlant bach (Padlwyr Bach)

Ar gyfer grwpiau oedran iau, mae Gwella yn cynnig gwersi Padlwyr Bach ar gyfer babanod a phlant bach rhwng 0 a 4 mlwydd oed.

Mae’r sesiynau hyn yn helpu i fagu hyder yn y dŵr mewn amgylchedd llawn cefnogaeth, gyda rhiant neu ofalwr yn y dŵr. Mae argaeledd newydd agor ar gyfer y sesiynau hyn.

Buddion ychwanegol wrth gofrestru am wersi nofio

Bydd teuluoedd sy’n cofrestru ar gyfer cyrsiau gwersi nofio drwy Ddebyd Uniongyrchol hefyd yn elwa o fynediad am ddim i sesiynau nofio cyhoeddus Gwella.

• Mae hyn yn caniatáu i blant:
• Ymarfer tu allan i’r gwersi
• Magu hyder drwy amser rheolaidd yn y pwll
• Mynd i unrhyw sesiwn nofio cyhoeddus a restrwyd ar yr amserlen, am ddim

Mae sesiynau nofio cyhoeddus yn cael eu cynnal ar draws pyllau Gwella Sir y Fflint, gydag amserlenni ar gael ar waelod hafan gwella.cymru.

Fel rhan o Fenter Nofio Am Ddim Llywodraeth Cymru, mae Gwella hefyd yn darparu:

• Nofio am ddim i blant
• Nofio am ddim i oedolion dros 60 oed
• Sesiynau nofio cynhwysol i bobl anabl

Holi am wersi nofio

 

Cynnig Hyrwyddo Wythnos Dysgu Nofio

AMODAU A THELERAU

Mae’r cynnig hyrwyddo hwn yn darparu un (1) mis o wersi nofio am ddim ym mis Awst 2026 i gyfranogwyr cymwys, yn ddarostyngedig i’r amodau canlynol.

1. Bydd y cynnig yn rhedeg o ddydd Llun 11 Mai hyd ddydd Sul 17 Mai 2026 yn gynhwysol.
2. Dim ond ymholiadau a gyflwynir drwy Ffurflen Ymholiadau Gwersi Nofio ar-lein gwefan Gwella fydd yn gymwys ar gyfer y cynnig hwn.
3. Mae’r cynnig hwn ar gael i gwsmeriaid newydd sy’n cofrestru ar raglen Dysgu Nofio Gwella yn unig ac mae’n berthnasol i’r categorïau Padlwyr Bach, Sblash a Thonnau.
4. Nid yw’r cynnig hwn ar gael i gwsmeriaid sydd:

• Â thanysgrifiad Debyd Uniongyrchol Dyfrol Iau presennol cyn dyddiad dechrau’r cynnig ar 11 Mai 2026
• Â thanysgrifiad Arian Parod Dyfrol Iau presennol cyn 11 Mai 2026
• Wedi canslo tanysgrifiad Debyd Uniongyrchol Dyfrol Iau rhwng 1 a 17 Mai 2026 yn gynhwysol

5. Er mwyn bod yn gymwys ar gyfer mis Awst am ddim, rhaid i gwsmeriaid:

• Gofrestru ar danysgrifiad Debyd Uniongyrchol Dyfrol Iau neu danysgrifiad misol Arian Parod Dyfrol Iau gyda dyddiad dechrau rhwng 11 a 31 Mai 2026
• Gwneud taliadau llwyddiannus ar gyfer misoedd Mehefin a Gorffennaf 2026

6. Bydd y mis am ddim ym mis Awst 2026 ond yn cael ei ganiatáu ar ôl derbyn y ddau daliad cymwys yn llawn ac ar amser.
7. Nid oes modd trosglwyddo na chyfnewid y mis am ddim ym mis Awst 2026 ac nid oes ganddo werth ariannol. Ni ellir defnyddio’r cynnig hwn ochr yn ochr ag unrhyw ostyngiad neu gynnig arall.
8. Mae’r cynnig hwn yn berthnasol unwaith yn unig i bob plentyn.
9. Mae Gwella yn cadw’r hawl i ddiwygio neu dynnu’r cynnig hwn yn ôl unrhyw bryd heb rybudd ymlaen llaw.